Báhár paslınıń tuńǵısh bayramı, ózinde bárshe gózzal tuyǵılardı jámlegen ájayıp áyyyam – «8-mart – Xalıqaralıq hayal-qızlar kúni» bayramı múnásibeti menen Ózbekstan mámleketlik dene tárbiyası hám sport universiteti Nókis filialında bilim alıp atırǵan student qızlardıń qatnasıwında «Dáwir qızları» atamasında kórik tańlaw bolıp ótti.

Tańlawda student qızlar tiykarınan ózlerin tanıstırıw, qol óneri, báhár salatların tayarlaw hám erkin temalarda ózleriniń ónerlerin kórsetiw shártleri tiykarında bahalandı.

Bir-birinen qızıqlı bellesiwlerge bay tárizde bolıp ótken tańlaw juwmaǵında «Psixologiya sport» baǵdarınıń 2-kurs studenti F.Kewnimjaeva barlıq qarsılaslarınan ústin kelip bahalawshı tóreshiler quramı tárepinen birinshi orınǵa ılayıq dep tabıldı. Al, qalǵan qatnasıwshılar hár túrli nominaciyalar boyınsha sıylıqlandı.

Tańlaw qatnasıwshıları shólkemlestiriwshiler tárepinen Húrmet jarlıǵı hám estelik sawǵaları menen sıylıqlandı. 

Filial Baspasóz xızmeti.