Talantlı jaslardıń logikalıq bilimlerin arttırıw, olardı tańlap alıw hám intellektuallıq oyınlarǵa keńnen tartıw, bul oyınlardıń shólkemlestiriliwin mámleket tárepinen qollap-quwatlaw hám zárúr sharayatlar jaratıw, sonday-aq, xalıqtıń intellektuallıq potencialın kóteriw maqsetinde Ózbekstan Respublikası Prezidentiniń 2022-jıl 20-yanvar kúngi «Zakawat» intellektuallıq oyının xalıq arasında ǵalaba-aǵartıwshılıq háreketke aylandırıw hám basqa  da intellektuallıq oyınlardı rawajlandırıwǵa baylanıslı ilajlar haqqında» ǵı qararınıń qabıl etiliwi «Zakawat» intellektual oyınının joqarı oqıw orınları student-jasları arasında keńnen en jayıwına tiykar bolmaqta.

Búgin 10-mart kúni Ózbekstan mámleketlik dene tárbiyası hám sport universiteti Nókis filialı student-jaslarınıń bos waqıtların kewilli hám mazmunlı ótkeriw maqsetinde «Zakawat» intellektual oyını shólkemlestirildi.

Shólkemlestiriwshiler tárepinen dúzilgen ápiwayı hám quramalı sorawlardıń juwapların filial student-jaslarınan dúzilgen komanda aǵzaları tez hám anıqlıq penen tabıwǵa háreket etti.

Komanda aǵzalarınan bilimdi, ziyreklikti, anıqlıqtı hám tezlikti talap etetuǵın oyın sońında shólkemlestiriwshiler tárepinen jeńimpaz komandalar anıqlanıp olar «Zakawat» intellektual oyınınıń keyingi basqıshına jollama aldı.

Filial Baspasóz xızmeti.