Ózbekstan Respublikası Prezidentiniń 2022-jıl 14-mart kúngi «Boks boyınsha Bahodir Jalolov sport sheberlik mektebin shólkemlestiriw ilajları haqqında»ǵı qararı qabıl etildi. Usı qarar tiykarında zárúr sport inventarları hám úskeneleri menen támiyinlengen, zamanagóy xalıqaralıq talaplar hám standartlarǵa juwap beretuǵın materiallıq-texnikalıq jáne oqıw-shınıǵıw bazaların jaratıw hám túrli dárejedegi xalıqaralıq hám regionallıq jarıslarda – Olimpiada hám Aziya oyınları, jáhán hám Aziya chempionatları, universiadalar hám basqalarda Ózbekstannıń abırayın múnásip qorǵawǵa uqıplı bolǵan xalıqaralıq dárejedegi boksshilerdi tayarlaw maqsetinde 2022-2023-oqıw jılınan boks mektebi ashıladı.

Boks mektebi óz jumısın Ózbekstan Respublikası Ministrler Kabinetiniń 2018-jıl 2-iyundegi «Sport túrleri boyınsha qánigelestirilgen mámleketlik mektep–internatlarınıń jumısın jetilistiriw haqqında»ǵı 410-sanlı qararında belgilengen tártipke muwapıq ámelge asıradı.

Boks mektebi oqıwshılarınıń ulıwma kontingenti jámi 175 ti qurap, olar 5-11-klass oqıwshılarınan ibarat boladı.

Filial Baspasóz xızmeti.