Usı jıldıń 9-iyun kúni Ózbekstan Respublikası Bas prokuraturası tárepinen “Zoom” video baylanıs dástúri arqalı Qaraqalpaqstan Respublikası sporttı rawajlandırıw ministrligi, wálayatlar hám Tashkent qalası sporttı rawajlandırıw Bas basqarması, ministrlikler quramındaǵı respublikalıq shólkemler, Joqarı sport sheberlik mektepleri, Ózbekstan mámleketlik dene tárbiyası hám sport universiteti, Dene tárbiya hám sport boyınsha ilimiy – metodikalıq táminlew, qánigeliklerin qayta tayarlaw hám tájiriybesin asırıw orayı, aymaqlardaǵı Olimpiya hám paralimpiya rezervleri kolledjleri, Balalar hám jas óspirimler sport mektepleri direktorları, direktor orınbasarları hám tiyisli bólim baslıqları qatnasıwında «Nızam buzılıw jaǵdayları, onıń kelip shıǵıw sebepleri hám oǵan sharayat jaratıp berip atırǵan jaǵdaylardı saplastırıw haqqında»ǵı usınısında keltirilgen jaǵdaylardı dodalawǵa baǵıshlanǵan májilis bolıp ótti.

Bas prokuratura tárepinen shólkemlestirilgen májiliske Qaraqalpaqstan Respublikasın prokuraturası, Qaraqalpaqstan Respublikasındaǵı sportqa baylanıslı taraw qánigeler Ózbekstan mámleketlik dene tárbiyası hám sport universiteti Nókis filialınıń májilisler zalınan qatnastı.

Bolıp ótken májiliste sport-tálim mákemeleriniń juwapker shaxsları tárepinen tarawǵa baylanıslı nızamlardıń orınlanıwın támiyinlewde itibarsızlıqqa jol qoyǵanlıǵı, nızam hújjetleri menen júkletilgen wáziypalardıń orınlanıwın támiyinlewde itibarsız qaraw, byudjet qarjıların nızamsız ózlestiriw, miynet nızamshlıǵı hám basqa nızam hújjetleri buzılıwına jol qoyılǵanlıǵı atap ótildi.

«Básekilik haqqında»ǵı nızamınıń 5, 14-statyaları hám «Mámleketlik satıp alıw haqqında»ǵı nızamnıń 23, 42-statyaları talabları buzılıp Ózbekstan Respublikası boyınsha 72 jaǵdayda  tańlaw komissiyasınıń baslıǵı – sport mektepleri lawazımlı shaxsları tárepinen ámeldegi remontlaw ushın ótkerilgen tańlawda qatnasqan kesip alıp islew yaǵnıy tenderde qatnasıwshı eki firmanıń baslıǵı bir shaxs ekenligi málim boldı hár qanday jaǵdayda da tender tańlawında utıp shıǵıwına jol qoyılǵan. Yaǵnıy, bul jaǵdaylar boyınsha tiyisli lawazımlı shaxslar tárepinen korrupciyalıq faktorlarǵa tuwrıdan-tuwrı jol qoyǵanlıǵanlıǵın qattı sın astına alıp, keleshekte usınday korrupciyalıq háreketlerdi boldırmaw maqsetinde jınayatshılıqqa qarsı gúresiwde úgit-násiyat jumısların kúsheytip joqarıda keltirilgen faktlerden tuwrı juwmaq shıǵarıp, hár bir taraw xızmetkerleri óz iskerligin hújdanan ámelge asırıw kerek hám lazım ekenligine toqtap óttildi.

Májilis sońında joqarıda keltirilgen kemshilikler boyınsha Qaraqalpaqstan Respublikası sporttı rawajlandırıw ministri Rustamjon Kazakov tárepinen dodalanıp taraw qánigelerine tiyisli tártipte tapsırmalar berildi hám aldaǵı waqıtlarda bunday jaǵdaylardıń kelip shıǵıwınıń aldın alıw, boldırmaw boyınsha kórsetpeler berdi.

Májiliske Qaraqalpaqstan Respublikası prokuraturası prokurorınıń aǵa járdemshisi Arman Ergunusov qatnastı.

A.Mambetkarimov,

ÓzMDTSU Nókis filialınıń “Korrupciyaǵa qarsı gúresiw hám Komplaens qadaǵalaw sistemasın basqarıw” bólimi bas qánigesi.

.