Ózbekstan Respublikası Joqarı hám orta arnawlı bilimlendiriw ministrliginiń 2022-jıl 24-yanvar kúngi buyrıǵına hám Ózbekstan Respublikası Prezidenti Administraciyasınıń 2022-jıl 29-yanvar kúngi arnawlı xatına tiykarlanıp Ózbekstan mámleketlik dene tárbiyası hám sport universiteti Nókis filialında bilim alıp atırǵan studentler arasında «Eń jaqsı kitapqumar student» respublikalıq kórik-tańlawınıń birinshi basqıshı bolıp ótti.

Shólkemlestirilgen tańlawdı filialdıń «Jaslar menen islesiw, ruwxıylıq hám aǵartıwshılıq» bólimi baslıǵı B.Sabirov ashtı hám basqarıp bardı.  Ol óz sózinde studentlerdi tańlawdıń maqseti, shártleri menen jaqınnan tanıstırdı hám tańlaw qatnasıwshılarına áwmetler tiledi.

Qatnasıwshılar belgilengen shártler boyınsha óz-ara kúsh sınastı, ózleriniń ziyrekligin hám shaqqanlıǵın sınnan ótkerdi.

Qızǵın bellesiwlerge bay tárizde bolıp ótken kórik-tańlaw juwmaǵında 1-orındı «Psixologiya (sport)» baǵdarınıń 2-kurs studenti D.Ernazarova barlıq qarsılaslarınan ústin kelip jeńip aldı hám tańlawdıń keyingi basqıshına jollamanı qolǵa kiritdi.

Jeńimpaz bolǵan ham tańlawǵa belsene qatnasqan qatnasıwshılar filial administraciyası tárepinen Diplom hám estelik sawǵaları menen sıylıqlandı.

Filial Baspasóz xızmeti.