Jámiyetimizde sonday bir illet bar, ol belgili bir tarawdıń emes, bálkim pútkil jámiyettiń rawajlanıwına tosıq boladı. Ol mámleketti ishinen jiytuǵın illet bolıp tabıladı. Bul illet korrupciya hám paraxorlıq bolıp esaplanadı. Usı illet sebepli kóplep mámleketlerdiń qulawına sebep bolǵanlıǵında tariyxtan bizge málim.

Áne usı jámiyetimizdiń rawajlanıwı ushın tosıq bolıp atırǵan illettiń aldın alıw, onı boldırmaw maqsetinde Ózbekstan mámleketlik dene tárbiyası hám sport universiteti Nókis filialında Nókis qalası prokuraturası tergewshisi B.Raxmanov hám filialdıń professor-oqıtıwshıları hám student – jasları qatnasında «Biz korrupciyaǵa qarsı birge gúresemiz» atamasında ushırasıw bolıp ótti.

Ushırasıwdı Ózbekstan mámleketlik dene tárbiyası hám sport universiteti Nókis filialı direktorınıń Jaslar  máseleleri hám ruwxıy-artıwshılıq isleri boyınsha birinshi orınbasarı Darmenbay Nurıshov ashtı hám basqarıp bardı. Ol óz sózinde korrupciya illetiniń jámiyetimiz ushın qáwipi onıń unamsız aqıbetleri toqtap ótti.

Onnan soń Nókis qalası prokuraturası tergewshisi B.Raxmanov sózge shıǵıp bilimlendiriw tarawında ushırasıp atırǵan korrupciyalıq jaǵdaylardı ayrıqsha maǵlıwmat ornında keltirip ótti. Sonday-aq, ushırasıw qatnasıwshıların júz beriwi múmkin bolǵan korrupciyalıq jaǵdaylardıń aldın alıwǵa shaqırdı.

Eger júz bergen hár qanday korrupciyalıq jaǵdaylardıń qatnasıwshısı bolǵan shaxs tiyisli tártipte nızam aldında jınayıy juwapkershilikke tartılatuǵınlıǵı maǵlıwmat ushın keltirip ótti hám iláj qatnasıwshıların mámleketimiz rawajlanıwında tosıq bolatuǵın bunday jaman hám qáwipli illetten awlaq bolıwǵa shaqırdı.

Bunnan soń filialınıń “Korrupciyaǵa qarsı gúresiw hám komplaens qadaǵalaw sistemasın basqarıw” bólimi bas qánigesi A.Mambetkarimov sózge búgingi kúnda filialda bólim tárepinen islenip atırǵan jumıslar haqqında keń túrde toqtap ótti.

Sonday-aq, jumıs babında yamasa oqıw barısında dámegóylik, aldawshılıq hám hár qanday nızamsız is-háreketlerdiń guwası bolsańız yamasa korrupciyalıq jaǵdaylarǵa dus kelgende múrájat etiw ushın «@ozmdtsunf_anticorr_bot» shólkemlestirilgenligin. Botqa múrájat etken hár bir professor-oqıtıwshı yaki studentiń yaǵnıy múrájatshı haqqında maǵlıwmat sır saqlanatuǵınlıǵın atap ótti.

         Ilaj sońında qatnasıwshılar ózlerin qızıqtırǵar sorawlarǵa tiyisli taraw qánigelerinen juwaplar aldı.

Fili al Baspas xızmeti.