Birlesken Milletler Shólkemi Bas Assambleyasınıń 1987-jıl 7-dekabr kúni qabıl etilgen rezolyuciyasina muwapıq hár jılı “26-iyun – Xalıqaralıq náshebentlikke qarsı gúresiw kúni” sıpatında belgilenedi.

Sáne múnásibeti menen Ózbekstan mámleketlik dene tárbiyası hám sport universiteti Nókis filialı májilisler zalında Qaraqalpaqstan Respublikası Ishki isler ministrligi jınayat qıdırıw basqarması, AIJSke qarsı gúresiw orayı, Respublikalıq narkologiya dispanseri hám filialdıń professor-oqıtıwshıları, student-jasları qatnasında “Sergek bolıń, ómirińizdi zaya etpeń” atamasında ushırasıw keshesi bolıp ótti.

Ushırasıwdı filialı direktorınıń Jaslar  máseleleri hám ruwxıy-aǵartıwshılıq isleri boyınsha birinshi orınbasarı Darmenbay Nurıshov ashtı hám basqarıp bardı.

Bolıp ótker iláj barısında sózge shıqqan taraw qánigeleri náshebentlik bul jámiyet ushın qáwipli illet ekenligin. Insanlardıń náshebentlik zatlardı qabıl etiwi nátiyjesinde dúnya júzinde neshshe mıńlaǵan náresteler mayıp bolıp dúnyaǵa kelip atırǵanlıǵın. Eń ashınarlısı, usı illettiń sebebinen dúnya júzinde millionlap insanlardıń ómirden biymezgil kóz jumıb atırǵanlıǵın ayrıqsha maǵlıwmat ushın keltirip ótti. Sonday-aq, bul baǵdarda elimizde bul illetti joq etiw maqsetinde alıp barılıp atırǵan is-ilajlar haqqında maǵlıwmat berip ótti.

Iláj barısında ushırasıw qatnasıwshıları tiyisli taraw qánigelerinen ózlerin qızıqtırǵan sorawlarına juwaplar aldı.

Filial Baspasóz xızmeti.