Qaraqalpaqstan Respublikası Joqarǵı Keńesi Prezidiumınıń qararı menen Ózbekstan mámleketlik dene tárbiyası hám sport universiteti Nókis filialı studenti Suhrab Aminov sportta erisken jetiskenlikleri ushın «Úmit ushqını» kókirek nıshanı menen sıylıqlandı.

Sıylıqlaw máresiminde kókirek nıshanın jaslarǵa Qaraqalpaqstan Respublikası Joqarǵı Keńesi Baslıǵı M.Kamalov tapsırdı.

Suhrab Aminov usı jıldıń 1-14-mart kúnleri Iordaniya poytaxtı Amman qalasında boks boyınsha jas óspirimler hám jaslar arasında ótkerilgen Aziya chempionatında 60 kilogramm salmaq kategoriyasında qatnasıp sıylı 3-orındı alıwǵa miyasar bolǵan edi.

– Bul men ushın haqıyqıy bayram aldı sawǵası boldı,-deydi Suhrab Aminov

Maǵlıwmat ushın 30-iyun – Jaslar kúni qarsańında Qaraqalpaqstandaǵı túrli tarawlarda jaqsı nátiyjelerge erisken belsendi 24 jas «Úmit ushqını» kókirek nıshanı menen sıylıqlandı.

Filial Baspasóz xızmeti.