Sporttı rawajlandırıw ministrliginde Ózbekstan Respublikası Prezidentiniń qararına muwapıq v Islam tileklesligi oyınlarında jeńimpaz hám sıylı orın iyeleri bolǵan sportshılardıń trenerlerin sıylıqlaw máresimi bolıp ótti dep xabar bermekte ministrliktiń baspasóz xızmeti.

Sıylıqlaw máresimine Sporttı rawajlandırıw ministrligi hám Milliy olimpiya komiteti wákilleri qatnastı. Iláj barısında taraw wákilleri jaqsı nátiyjelerge erisken trener hám sportshılardı erisken tabısları menen qızǵın qutlıqladı.

Soń Turkiyada juwmaqlanǵan v Islam tileklesligi oyınlarında jeńimpaz hám sıylı orın iyeleri bolǵan sportshılardıń trenerlerine bir mártelik aqshalay sıylıqları saltanatlı jaǵdayda tapsırıldı.

Eslertip ótemiz usı jarısta sportshılarımız 51 altın, 42 gúmis, 65 bronza medalı menen 56 mámleket arasında komadalıq esapta Túrkiya saylnadı komandasınan keyin ekinshi orındı iyelewge miyasar boldı.

Filial Baspasóz xızmeti.