Joqarı oqıw orınları student – jasları  arasınan kúshli komandalardı tańlap alıw maqsetinde «Universiada» sport jarıslarınıń  Qaraqalpaqstan Respublikalıq basqıshı dawam etpekte.

    Búgin 24-sentyabr kúni Berdaq atındaǵı qaraqalpaq mámleketlik universitetinde voleybol boyınsha er hám qız balalar arasında jarısqa start berildi.

   Házir Ózbekstan mámleketlik dene tárbiyası hám sport universiteti Nókis filialı qızlarınan dúzilgen saylandı komandası aǵzaları Berdaq atındaǵı qaraqalpaq mámleketlik universitetiniń komandasına qarsı oyınǵa tústi.

   Qızǵın bellesiwlerge bay tárizde ótip atırǵan jarıs juwmaǵında filialdıń saylandı komandası Berdaq atındaǵı qaraqalpaq mámleketlik universiteti saylandı komandası ústinen 3:0 esabı menen jeńiske eristi hám jarıstıń final basqıshına shıqtı.

   Finalda filialdıń saylandı komandası aǵzaları Ájiniyaz atındaǵı Nókis mámleketlik pedagogikalıq institutınıń saylandı komandası menen oyınǵa túsedi.

   Oyın qızǵın bellesiwlerge bay tárizde dawam etpekte.

   Bizdi gúzetiwdi dawam etiń. Jarıs nátiyjeleri boyınsha oyın juwmaǵında qosımsha maǵlıwmat berip baramız.

    Filialdıń saylandı komandasın jarısqa Maxsuda Yuldasheva tayarladı.

Filial Baspasóz xızmeti.