Usı jıldıń 6-9-oktyabr kúnleri Qazaqstan Respublikasınıń Aqtaw qalasında 14 mámleketten 200 samboshılarınıń qatnasında Aziya kubogi bolıp ótken edi.

   Ózbekstan Respublikası saylandı komandası Aziya kubogi juwmaǵında, ulıwmalıq esapta 4 gúmis, 6 qola medallarına iyelik etdi.

  Bolıp ótken Aziya chempionatında Ózbekstan Respublikası saylandı komandası quramında Ózbekstan mámleketlik dene tárbiyası hám sport universiteti Nókis filialı studenti dzyudo qánigeliginiń 3-kurs studenti Zahriddin Zoitovta qatnasıp gúmis medalı iyesine aylandı.

    Zahriddin dáslep qazaqstanlı, soń túrkmenstanlı qarsılaslarınan ústin keldi hám finalda Hindistanlı samboshıdan jeńilip, ekinshi orın menen sheklendi hám gúmis medal iyesine boldı.

   Zahriddindi jarısqa trenerlerden Bayram Dosbergenov tayarladı.

Filial Baspasóz xızmeti.