Joqarı bilimlendiriw orınlarında bilim alıp atırǵan student – jaslardı hár tárepleme jetik kadrlar etip tárbiyalaw baǵdarında húkimetlik párman hám qararlar tiykarında Joqarı hám orta arnawlı bilimlendiriw ministrligi tárepinen bir qatar unamlı jumıslar alıp barılmaqta.

   Búgin 17-sentyabr kúni Ózbekstan mámleketlik dene tárbiyası hám sport universiteti Nókis filialında bilim alıp atırǵan student – jaslar arasınan 20 student Joqarı bilimlendiriw sistemasın 2030-jıllarǵa rawajlandırıw konsepciyası hám Ózbekstan Respublikası Prezidentiniń 2019-jıl 11-iyul kúngi «Joqarı hám orta arnawlı bilimlendiriw sistemasına basqarıwdıń jańa principlerin engiziw is-ilájları haqqında»ǵı qararına tiykarlanıp úsh ay múddetke oqıp keliw maqsetinde Tashkent qalasında jaylasqan Ózbekstan mámleketlik dene tárbiyası hám sport universitetinde oqıwların basladı.

   Ol jerde filial studentleri úsh ay dawamında Ózbekstan mámleketlik dene tárbiyası hám sport universitetiniń professor – oqıtıwshılarınan bilim alıwları rejelestirilgen.

Filial Baspasóz xızmeti.