Búgin 2-noyabr kúni filial professor-oqıtıwshıları hám student jasları qatnasında ushırasıw bolıp ótti.
Ushırasıwdı oqıw isleri boyınsha direktor orınbasarı B.Wtemuratov ashtı hám basqarıp bardı.   
Ilajdı ótkeriwden tiykarǵı maqset 2022-jıldıń sentyabr ayında mámleketimiz turmısında qabıl etilgen huqıqıy-normativ hújjetler hám Belarus Respublikasınıń Pinsk qalasındaǵı Poless mámleketlik universitetine qısqa múddetli ilimiy tájriybe almasıw maqsetinde barıp kelgen filialdıń professor – oqıtıwshıları Medet Ramazanov hám Temur Mambetjumaevlardıń artırıp kelǵen tájriybelerin tıńlaw.
Usı jıldıń 15-16-sentyabr kúnleri Shanxay sheriklik shólkemine aǵza mámleket basshılarınıń Samarqandta bolıp ótken Samiti haqqında filialdıń «Jaslar menen islesiw, ruwxıylıq hám aǵartıwshılıq bólimi» baslıǵı B.Sabirov tolıq maǵlıwmat beriwge háreket etdi. Soń aldın xabar bergenimizdey filialdıń professor – oqıtıwshıları Medet Ramazanov hám Temur Mambetjumaevlar usı jıldıń 26-sentyabr sánesinen 24-oktyabr kúnleri aralıǵında Belarus Respublikasınıń Pinsk qalasındaǵı Poless mámleketlik universitetine qısqa múddetli ilimiy tájriybe almasıw maqsetinde barıp kelgen edi. Olarda usı ushırasıw barısında filialdıń profesor-oqıtıwshıları hám studentlerine ol jerdegi jaratılǵan sharayatlar, ilimiy iskerligi, studentlerdiń sabaqqa qatnası, oqıwların ózlestiriw barısı boyınsha maǵlıwmatlar berip ótti.

   Qatnasıwshılar ózlerin qızıqtırǵan sorawlarına juwaplar aldı.

Filial Baspasóz xızmeti.