Túrli ideologiyalıq tartısıwlar jedel tús alıp atırǵan bir waqıtta,  pikirge qarsı pikir,  ideyaǵa qarsı ideya,  jawızlıqqa qarsı aǵartıwshılıq penen gúresiw búgingi kúnniń áhmiyetli máselesine aylanıp úlgerdi. Usı tiykarda Ózbekstan Respublikası Joqarı hám orta arnawlı bilimlendiriw ministrligi tárepinen 2022-jıl 25-oktyabr kúni joqarı oqıw orınlarında bilim alıp atırǵan student-jaslardıń usınıs hám baslamaları menen jaqınan tanısıw, olar dus kelip atırǵan mashqalalardı saplastırıw hám «Jawızlıqqa qarsı aǵartıwshılıq» atamasında ushırasıw ótkeriw boyınsha reje-grafigi tastıyıqlanǵan edi.

Usı reje grafigi tiykarında búgin 3-noyabr kúni Ózbekstan mámleketlik dene tárbiyası hám sport universiteti Nókis filialında Ózbekstan Respublikası Ministrler Kabineti janındaǵı Din isleri komitetiniń Qaraqalpaqstan Respublikası aymaqlıq basqarması, Qaraqalpaqstan Respublikası Ruwxıylıq hám aǵartıwshılıq orayı Nókis qalalıq bólimi hám Qaraqalpaqstan Respublikası Ishki isler ministrligi kiberqáwipsizlik bólimi qánigeleriniń qatnasıwında «Jawızlıqqa qarsı aǵartıwshılıq» atamasında student-jaslar menen ushırasıw bolıp ótti.

Ushırasıwdı Jaslar máseleleri boyınsha direktor másláhátshisi B.Joldasov ashtı hám basqarıp bardı.

Soń ushırasıwǵa kelgen tiyisli taraw qánigeleri student-jaslarǵa búgingi kúnniń eń áhmiyetli mashqalalarına birine aylanǵan jawız niyetli kúshlerden keleshek jaslarımızdı qorǵaw boyınsha keń túrde túsinikler berip ótti.

Ushırasıw barısında student-jaslarǵa video rolik qoyıp berildi hám qatnasıwshılar ózlerin qızıqtırǵan sorawlarına tiyisli taraw qánigelerinen juwaplar aldı.

Filial Baspasóz xızmeti.