18-noyabr – Ɵzbekstan Respublikasınıń mámleketlik bayraǵı qabıl etilgen kún.

Sáne múnásibeti menen Ózbekstan mámleketlik dene tárbiyası hám sport universiteti Nókis filialında O’zLiDeP Qaraqalpaqstan Respublikalıq Keńesi qánigeleriniń qatnasıwında student-jaslar menen ushırasıw bolıp ótti.

Ushırasıwdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı D.Nurıshov ashtı hám basqarıp bardı. Ol óz sózinde student-jaslarǵa Ózbekstan Respublikasınıń mámleketlik belgileri, sonıń ishinde, 1991-jıl 18-noyabr kúni qabıl etilgen «Ózbekstan Respublikasınıń Mámleketlik bayraǵı haqqında»ǵı Nızamı, mámleketlik nıshanı bolǵan bayraqtıń áhmiyeti haqqında túsinikler berdi.

Soń O’zLiDeP Qaraqalpaqstan Respublikalıq Keńesi qánigeleride sózge shıǵıp mámleketlik nıshanları haqqında student-jaslarǵa túsinikler berip ótiw menen birge partiyanıń maqset, wazıypaları hám  siyasiy kúsh sıpatında búgingi kúnde alıp barıp atırǵan jumısları haqqında maǵlıwmatlar beri ótti.

Filial Baspasóz xızmeti.