Ózbkstan Respublikası Sporttı rawajlandırıw ministrliginiń 2022-jıl 26-noyabr kúngi buyrıǵı menen Ózbekstan Respublikası Dene tárbiyası hám sport komitetiniń 2017-jıl 4-iyul kúngi «Sport túrleri boyınsha birden-bir sport túri boyınsha nızamın tastıyıqlaw haqqında»ǵı qararına muwapıq sport sheberi dárejesi talapların orınlaǵanlıǵı ushın Ózbekstan mámleketlik dene tárbiyası hám sport universiteti Nókis filialınıń bir qatar professor-oqıtıwshıları hám student-jaslarına sport túrleri boyınsha «Xalıqaralıq dárejedegi Ózbekstan sport sheberi» hám «Ózbekstan sport sheberi» dárejeleri berildi.

  Yaǵnıy, filialdıń «Kórkem gimnastika» baǵdarınıń studenti 2021-jıl Aziya chempionatında 1-orındı iyelegeni ushın Sh.Ibragimova hám usı baǵdardıń jáne bir studenti 2021-jıl Aziya chempionatında 1-orındı iyelegeni ushın N.Djumaniyazovalar «Xalıqaralıq dárejedegi Ózbekstan sport sheberi» dárejesin alǵan bolsa, al, «Sport oyınları» kafedrası oqıtıwshısı, 2021-jıl Ózbekstan kuboginde 1-orın hám 2022-jıl Ózbekstan chempionatında 1-orındı iyelegeni ushın Á.Joldasbaeva, tyutor, 2021-jıl Ózbekstan kuboginde 1-orın hám 2022-jıl Ózbekstan chempionatında 1-orındı iyelegeni ushın M.Yuldasheva, «Basketbol» baǵdarınıń studenti, 2021-jıl Ózbekstan kuboginde 1-orın hám 2021-jıl Ózbekstan chempionatında 1-orındı iyelegeni ushın O.Sharashenidze, «Eskek esiw» baǵdarınıń studenti, 2020-jıl Ózbekstan chempionatında 1-orındı iyelegeni ushın A.Djumaqanov, «Awır atletika» baǵdarınıń studenti, 2021-jıl Ózbekstan chempionı Á.Bektasov, «Kurash» baǵdarınıń studenti, 2021-jıl Jáhán chempionatında 3-orındı iyelegeni ushın L.Tólepbergenovalar sport turlari boyınsha “Ózbekstan sport sheberi” dárejesin alıwǵa miyasar boldı.

  «Xalıqaralıq dárejedegi Ózbekstan sport sheberi» hám “Ózbekstan sport sheberi” dárejesin alıwǵa miyasar bolǵan professor-oqıtıwshılarımız benen student-jaslarımızdı filialımız miynet jámááti atınan qızǵın qutlıqlaymız.

Filial Baspasóz xızmeti.