Aldın xabar berilgenindey usı jıldıń 16-20-yanvar kúnleri aralıǵında Qashqadárya wálayatınıń Qarshı qalasında erler arasında gandbol boyınsha «Universiada-2022» sport jarıslarınıń respublikalıq final basqıshı bolıp ótken edi.

   Onda gandbol boyınsha Qaraqalpaqstan saylandı komandası «Universiada-2022» sport jarıslarınıń final basqıshında 2-orındı iyelegen edi.

  «Universiada-2022» sport jarıslarınıń respublikalıq final basqıshında Qaraqalpaqstan saylandı komandası quramında Ózbekstan mámleketlik dene tárbiyası hám sport universiteti Nókis filialınan «Qol tobı» qánigeliginiń 2-kurs studenti Jamshid Biysenbaev, «Voleybol» qánigeliginiń 3-kurs studentleri Kárimbay Esemuratov hám Jamshid Joldasbaevlarda qatnasqan edi.

  Búgin Qaraqalpaqstan saylandı komandası quramında «Universiada-2022» sport jarıslarınıń respublikalıq final basqıshında qatnasqan studentlerimizdi filial direktorı B.Mambetov qabıllap, erisken tabısı menen qutlıqladı hám olar filialdıń «Studentlerdi qollap-quwatlaw» qorı tárepinen bazalıq stepindiyanıń altı esesi muǵdarında aqshalay sıylıqlanatuǵın boldı.

Filial Baspasóz xızmeti.