Búgin sáne múnásibeti menen Ózbekstan mámleketlik dene tárbiyası hám sport universiteti Nókis filialında «Hayal-qızlardıń ilim rawajlanıwındaǵı ornı» atamasında ushırasıw bolıp ótti.

   Ilajda filial direktorınıń Hayal-qızlar máseleleri boyınsha másláhátshisı B.Allambergenova, «Dene tárbiyası teoriyası hám gumanitar pánler kafedrası» baslıǵı, psixologiya ilimleri boyınsha filosofiya doktorı (PhD), docent A.Elmuratova, biologiya ilimleriniń kandidatı R.Reymbaeva, úlken oqıtıwshı T.Djumaniyazova hám professor-oqıtıwshılar hám student qızlar qatnastı.  

   Sáwbet dawamında professor-oqıtıwshılar ózleriniń miynet jolı, ilim tarawında erisken jetiskenlikleri hám qolǵa kirgizgen tabısları haqqında sóz etti.

   Ilajda hayal-qızlardıń ilimiy miynetleri sáwlelengen kórgizbesi qatnasıwshılar názerine usınıldı.

   Ushırasıw dawamında student qızlar ózlerin qızıqtırǵan sorawlarına professor-oqıtıwshılardan juwaplar aldı.

B.Allambergenova

Filial direktorınıń Hayal-qızlar máseleleri boyınsha másláhátshisi.