Búgin Ózbekstan mámleketlik dene tárbiyası hám sport universiteti Nókis filialı «Sport oyınları» kafedrasınıń shólkemlestiriwinde Qaraqalpaqstan futbol associaciyası tóreshilerdi hám baqlawshılardı tayarlaw bólimi qánigeleri Dawlet Amanbaev, Farux Ashirbekov, Meyribek Aqunovlardıń qatnasında filial student-jasları menen ushırasıw bolıp ótti.

   Ilajdı ótkeriwden tiykarǵı maqset filial student – jaslarına millionlar oyını esaplanǵan futbol oyınına 2022-2023-jılı tazadan kiritilgen oyın qaǵıydaları boyınsha maǵlıwmatlar beriw hám olar arasında tóreshilikke bolǵan qızıǵıwshılıqtı artırıw bolıp tabıladı.

  Ushırasıw barısında student – jaslar tiyisli qánigelerden  oyın qaǵıydalarına tazadan kiritilip atırǵan ózgerisler haqqında ózlerin qızıqtırǵan sorawlarına juwaplan aldı.

Filial Baspasóz xızmeti.