Búgin Ózbekstan mámleketlik dene tárbiyası hám sport universiteti Nókis filialında miynet jámáátlerinde qabıl etilgen Jámáátlik shártnamasınıń abroyın asırıw, ondaǵı qabıl etilgen jeńilliklerdi, sonday-aq, jámáátlik shártnamasınıń mazmun – mánisin hár bir islewshi xızmetkerge jetkeriw hám filial kásiplik awqamı baslıǵınıń 2022-jıl dawamında islegen jumıslarınıń esabatın tıńlaw maqsetinde Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti atqarıw komitetiniń qánigesiniń qatnasıwında ushırasıw bolıp ótti.

   Ushırasıwdı filial direktorınıń Jaslar máseleleri, ruwxıylıq hám aǵartıwshılıq isleri boyınsha birinshi orınbasarı Darmenbay Nurıshov kiris sóz benen ashtı hám basqarıp bardı.

   Onnan soń filial kásiplik awqamı baslıǵı Baqbergen Raxmetullaevtıń 2022-jılı dawamında islegen jumısları boyınsha esabatı tıńlandı. Ol óziniń 2022-jıl dawamında filialda bilim alıp atırǵan studentler arasınan kem támiyinlengen shańaraq perzentlerine, mayıplıǵı bolǵan, yarım hám shın jetim studentlerge kórsetilip atırǵan járdemler, yaǵnıy, olardıń kontrakt pulların tólep beriw, olardı materiallıq jaqtan xoshametlew baǵdarında alıp barılǵan jumıslar haqqında tolıq maǵlıwmat berip ótti.

  Soń Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti atqarıw komiteti qanigesi Saltanat Ayapbergenova sózge shıǵıp, ol óz sózinde Ózbekstan Respublikası Miynet kodeksi tiykarında jámáátlik shártnamaların qalay dúziw kerekligi haqqında ilaj qatnasıwshılarına keń túrde maǵlıwmatlar berip ótti.

   Ilaj sońında qatnasıwshılar ózlerin qızıqtırǵan sorawlarına taraw qánigesinen juwaplar aldı.

Filial Baspasóz xızmeti.