Háyyiw – bul analar mehiri, háyyiw – bul kempir apalarımızdıń aq pátiyası, bul – ananıń perzentine gódekliginen baslap tilegen tilegi,  kewlindegi ullı úmiti. Hár bir hayal – besik terbetip aytqan háyyiwi menen gózzal,  jáne qádirli. 

  Usınday bay miyraslarımızdı filial student – qızları arasında úgit-násiyatlaw, sonday-aq, olardıń mámleketimizde ámelge asırılıp atırǵan keń kólemli reformalarda belsene qatnasıwın támiyinlew,  bos waqıtların mazmunlı ótkeriw. Qızlarımızdı turmısqa, shańaraqqa, keleshekte ana bolıwǵa tayarlaw maqsetinde 21-fevral kúni “Analar háyyiw aytqanda” atamasında tańlaw bolıp ótti.

  Hár bir qánigelikten qatnasqan student qızlardıń sheberligi, shaqqanlıǵı, kreativligi sınaqtan ótkerildi.

  Tańlawda student qızlardıń háyyiw aytıw sheberligi, milliyligi,  janlı hawazda sheberlik penen atqarılıwı hám háyyiwdiń mazmunına ayrıqsha itibar qaratıldı.

  Jarıs juwmaǵında 1-orındı «Psixologiya (sport)» qánigeliginiń 3-kurs studenti Kewlimjaeva Feruza, 2-orındı «Mektepke shekemgi baslanǵısh tálimde dene tárbiyası hám sport» qánigeligi 3-kurs studenti Matchanova Rima, 3-orındı-«Psixologiya(sport)» qánigeliginiń 3-kurs studenti Abdunazarova Nilufarlar iyeledi.

  Olarǵa shólkemlestiriwshiler tárepinen Diplom hám estelik sawǵaları menen sıylıqlandı.

  Sonday-aq, belsene qatnasqan qatnasıwshılar nominaciyalar boyınsha Húrmet jarlıqları menen sıylıqlandı.                                      

  B.Allambergenova,

 Filial direktorınıń Hayal-qızlar máseleleri boyınsha másláhátshisi.