Usı jıldıń 22-fevral kúni Ózbekstan mámleketlik dene tárbiyası hám sport universiteti Nókis filialında Qaraqalpaqstan Respublikası aymaqlıq innovciyalıq rawajlanıw basqarması baslıǵı N.Kayupovtıń filial professor-oqıtıwshıları menen ushırasıwı bolıp ótti.

   Ushırasıwdı filialdıń Ilimiy isler hám innovaciyalar boyınsha direktor orınbasarı M.Aytımbetov kiris sóz benen ashtı hám basqarıp bardı.

  Ushırasıw dawamında ilimiy jumıslar menen baylanıslı mámleketlik baǵdarlamalar sheńberinde ilimiy joybarların qáliplestiriw arqalı filial professor-oqıtıwshıların ilimiy jumıslarǵa keńnen qamtıp alıw arqalı filialdıń ilimiy potencialın kóteriw hám birge islesiw boyınsha kelisip alındı.

 Sonday-aq, ushırasıw dawamında Nókis jaslar texnoparki qánigeleri tárepinen Jaslar texnoparkiniń iskerligi hám ishki imkaniyatları haqqında maǵlıwmatlar berip ótildi.

Filial Baspasóz xızmeti.