Báhár máwsiminiń baslanıwı menen elimiz boylap átirap-aymaqtı kóklemzarlastırıw, abadanlastırıw jumısları qızǵın pátler menen awızbirshilikli túrde alıp barıladı. Kóshelerge, átirap aymaqlarǵa hár túrli miyweli, sayamanlı terek náleri egilip, gúller otırǵızıladı. Usı arqalı aymaqlarda jasıl qaplamalı maydanlardıń kóleminiń keńeyiwine erisilse, eń tiykarǵısı atmosfera qatlamınıń hár qıylı záhárli gazler menen záhárleniwiniń aldı alınadı. Bunday jasıl qaplamalı aymaqlardıń kóleminiń keńeyiwi insanlardıń salamatlıǵınıń bekkem bolıwına tiykar jaratadı.

  Búgingi kúnde Ózbekstan mámleketlik dene tárbiyası hám sport universiteti Nókis filialı miynet jámáti hám student-jasları filial aymaǵına hár túrli miywe hám terek nállerin egiw, gúl otırǵızıw jumısların shólkemleskenlik tárizde alıp barmaqta.

   Filial miynet jámááti usı jılı báhár máwsiminde 20 000 túp nál egiwdi rejelestirgen.

   Usı kúnge shekem filial aymaǵına 1 600 túp hár túrli miyweli, dekarativ terek nálleri egildi.

   Egilgen nállerge tárbiya jumısların alıp barıw menen birge aldına reje etip qoyǵan nállerdi egiw jumıslarında belsendilik penen alıp barmaqta.

   Maǵlıwmat ornında ótken jılı filialımız miynet jámááti hám student-jasları menen birgelikte 2 200 túp miyweli hám dekarativ terek nálleri egilgen edi.

   Jasıl qaplamalı maydanlardıń kólemin keńeytiw maqsetinde mámleketlik kólemde alıp barılıp atırǵan nál egiw jumısları dawam etpekte.

Filial Baspasóz xızmeti.