Aldın xabar bergenimizdey usı jıldıń 26-30-aprel kúnleri aralıǵında Ándijan qalasında «Universiada» sport jarıslarınıń respublikalıq basqıshında Basketbol 3×3 (stritbol) túrinen Ózbekstan mámleketlik dene tárbiyası hám sport universiteti Nókis filialı student-jasları arasınan dúzilgen Qaraqalpaqstan Respublikasınıń saylandı komandası er balaları barlıq qarsılaslarınan ústin kelip sıylı 1-orındı iyelep Diplom hám altın medalların qolǵa kirgizgen edi.

  Búgin Nókis temirjol vokzalında komanda aǵzaları filial miynet jámááti hám keń jámiyetshilik wákilleri qatnasında saltanatlı tárizde kútip alındı.

 Kútip alıw máresiminde filial direktorınıń Jaslar máseleleri hám ruwxıylıq-aǵartıwshılıq isleri boyınsha birinshi orınbasarı D.Nurıshov, «Sport oyınları» kafedrası baslıǵı T.Mambetjumaev, Berdaq atındaǵı qaraqalpaq mámleketlik universiteti miynet jámááti aǵzaları, komanda aǵzalarınıń ata-anaları sportshılarımızdı erisken tabısı menen qızǵın qutlıqladı hám aldaǵı jumıslarında tabıslar tiledi.

  Sportshılardı jarısqa tájiriybeli trener-oqıtıwshılardan Temur Mambetjumaev,  Aziz Avezbaev,  Sipatdin Amaniyazovlar tayarladı.

Filial Baspasóz xızmeti.