Ózbekstan mámleketlik dene tárbiyası hám sport universiteti Nókis filialı direktorınıń Hayal-qızlar máseleleri boyınsha másláhátshisi Bahar Allambergenovanıń baslaması menen Respublikalıq jas óspirimler dispanseri ginekolog – shıpakeri A.Erpolatova hám filial medicina xızmetkerleri G.Begalieva, Z.Erejepovalar qatnasında «Salamat qız – salamat ana – salamat awlad» atamasında student qızlar menen ushırasıw bolıp ótti.

Ushırasıw dawamında medicina xızmetkerleri tárepinen hayal – qızlardıń reproduktiv salamatlıǵı, erte turmıs qurıwdıń aldın alıw hám jaqın tuwısqanlar arasında ushırasatuǵın nekelerdiń unamsız tárepleri, juqpalı keselliklerdiń aldın alıw hám gigiena qaǵıydalarına boysınıw haqqında keń túrde túsinikler berildi.

Sonday-aq, qızlar den sawlıǵına itibarlı bolıw, hár bir keselliktiń erte aldın alıw hám óz waqtında medicinalıq kórikten ótip turıw kerekligi boyınsha maǵlıwmatlar berip ótti.

Ushırasıw barısında student qızlar ózlerin qızıqtırǵan sorawları boyınsha shıpakerlerden túsinikler aldı.

Filial Baspasóz xızmeti.