Qaraqalpaq ádebiyatı tariyxında óshpes iz qaldırǵan belgili tulǵalar XX ásirdiń ekinshi yarımında – XXI ásir baslarında jasap miynet etken Ózbekstan Qaharmanı, Ózbekstan hám Qaraqalpaqstan xalıq shayırı, Qaraqalpaqstan Respublikası mámleketlik gimniniń avtorı Ibrayım Yusupov hám Ózbekstan Qaharmanı, Ózbekstan hám Qaraqalpaqstan xalıq jazıwshısı Tólepbergen Qayıpbergenov hápteligine start berildi.

Búgin 4-may kúni háptelik sheńberinde Ózbekstan mámleketlik dene tárbiyası hám sport universiteti Nókis filialı studentleri, tyutorları, Jaslar awqamı jetekshisi, Jaslar menen islesiw, ruwxıylıq hám aǵartıwshılıq bólimi qánigeleri, filial direktorınıń Jaslar máseleleri hám ruwxıylıq hám aǵartıwshılıq isleri boyınsha birinshi orınbasarı D.Nurıshovtıń basshılıǵında Ibrayım Yusupovtıń qábirine gúl qoydı hám shayırdıń ruwxına húrmet bildirip quran ayatın oqıdı.

Maǵlıwmat ornında háptelik sheńberinde ullı tulǵalardıń qálemine tiyisli dóretpelerinen shıǵarmalar tańlawın, kitaplar kórgizbesin, úy muzeyine sayahat, jazıwshı-shayırlar hám olardın perzentleriniń qatnasında ushırasıwlar shólkemlestiriw rejelestirilgen.

Filial Baspasóz xızmeti.