Tez pátler menen rawajlanıp baratırǵan dáwirde jas áwladqa zamanaǵóy bilim beriw menen birge olardı ulıwmainsanıylıq hám milliy qádiriyatlar, joqarı insanıylıq páziyletler ruwxında tárbiyalaw, mánáwiy hám informaciyalıq basımlardan qorǵaw.

Olarda informaciyalıq basımlarǵa qarsı immunitetti qaliplestiriw máselelerine ayrıqsha itibar beriw ulken áhmiyetke iye. Sonıń menen birge student qızlardıń kiyiniw mádeniyatına ayırıqsha itibar qaratılıwı lazım.

Usı maqsette Ózbekstan mámleketlik dene tárbiyası hám sport universiteti Nókis filialı Hayal-qızlar máseleleri boyınsha másláhát keńesi tárepinen  «Milliy kóylek – millet kórki» atamasında student qızlar menen sawbetlesiw keshesi shólkemlestirildi.

Keshege filial frofessor-oqıtıwshıları hám 1-kurs student qızları qatnastı. Keshe barısında qatnasıwshılar kiyimler xalıqtıń tariyxı, mádeniyatı menen tıǵız baylanısta ekenligin. Kiyiniwde hár bir milletke tán úrip-ádetleri bar ekenligi, analarımız hám apalarımız kiygen kóylekleri haqqında keń túrde maǵlıwmatlar berildi.                        

Ilaj sońında qatnasıwshılar názerine student qızlar tárepinen tayarlaǵan milliy hám zamanágóy kiyimler kórgizbesi úsınıldı.

Bahar Allambergenova,

Filial direktorınıń Hayal-qızlar máseleleri boyınsha másláhátshisi.