Ana – Watanımızdıń bir qarıs jeri ushın sawash maydanında jan bergen el qaharmanlarınıń mártligin, islegen erliklerin xalqımız hesh qashan umıtpaydı.

Ózbekstan mámleketlik dene tárbiyası hám sport universiteti Nókis filialı professor-oqıtıwshıları, Jaslar menen islesiw, ruwxıylıq-aǵartıwshılıq bólimi qánigeleri, Jaslar awqamı jetekshisi, tyutorlar hám student-jaslar, Jaslar máseleleri hám ruwxıy-aǵartıwshılıq isleri boyınsha orınbasarı D.Nurıshov basshılıǵında 9-may – Eslew hám qádirlew kúni aldınan Ekinshi jáhán urısı qatnasıwshısı Qadirbay ata Narmanovtıń shańaraǵında boldı hám ózleriniń sawǵaların tapsırdı.

 Ekinshi jáhán urısı qatnasıwshısı Qadirbay ata Narmanov halınan xabar alıwǵa kelgen filial miynet jámááti aǵzaları hám student-jaslarına sol dáwirdegi sawash maydanında basınan keshirgenlerin aytıp berip urıs jılların esine aldı hám búgingidey tınısh elde jasap atırǵanlıǵına shúkirshiligin bildirdi.

Soń Qadirbay ata Narmanov qolların pátiyaǵa jayıp búgingi kúnge shúkirshilik etip óziniń aq pátiyasın berdi.

  Qadirbay ata Narmanov 1925-jılı Ámiwdárya rayonında tuwılǵan. Ol 1943-jılı Buxara wálayatı Kogon qalasında áskeriy tayarlıqtı ótegen hám sol jıldıń ózinde Oraylıq fronttıń 60-armiyası artileriya divizionı qatarında dushpanǵa qarsı sawashqa kirgen. Márt jawınger sawash maydanında mártlershe qatnasıp, qaharmanlıqtıń joqarı úlgisin kórsetken hám 1944-jılı sawash maydanında artırǵan awır nawqaslıǵı sebepli fronttan qaytarılǵan.

Áziz veteranlarımızdıń teńsiz qaharmanlıqların xalqımız mángi yadında saqlaydı hám olardıń mártligine bárháma tájim etip, eske aladı.

Filial Baspasózi xızmeti.