Ózbekstan Respublikası Prezidentiniń 2022-jıl 19-yanvar kúni «Máhállelerde jaslar menen islesiw sistemasın túpten jetilistiriw is-ilajları haqqında»ǵı PQ-92-sanlı hám 2022-jıl 19-yanvardaǵı «Zakawat» intellektuallıq oyının xalıq arasında ǵalaba-aǵartıwshılıq háreketke aylandırıw hám basqada intellektuallıq oyınlardı rawajlandırıwǵa baylanıslı ilajlar haqqında»ǵı PQ-96-sanlı qararlarına muwapıq sociallıq qorǵawǵa mútáj, jumıssız hám sociallıq belsendi bolmaǵan jaslar menen «Jaslar dápteri»n júrgiziw arqalı islew sistemasın jánede jetilistiriw, olardı hár tárepleme qollap-quwatlaw, sonday-aq, joqarı bilimlendiriw mákemeleri studentleri arasında intellektual salamat básekini qáliplestiriw, student hám jaslardıń bilim hám potencialın jánede asırıw hám olardı xoshametlew maqsetinde Ózbekstan Respublikası Ministrler Kabinetiniń 2022-jıl 7-iyun kúnigi «Jaslar mashqalaların úyreniw hám saplastırıw sistemasın jánede jetilistiriw is-ilajları haqqında»ǵı 312-sanlı qararı qabıl etilgen edi.

 Usı qarar tiykarında Ózbekstan Jaslar isleri agentligi Qaraqalpaqstan Respublikası basqarması tárepinen Ózbekstan mámleketlik dene tárbiyası hám sport universiteti Nókis filialında bilim alıp atırǵan 16 socialıq járdemge mútáj studenttiń 2022-2023-oqıw jılı ushın kontrakt pullarınıń bir bólegi tólep berildi.

  Óz náwbetinde studentler húkimetimiz tárepinen olarǵa kórsetilip atırǵan bunday ǵamxorlıqlardan sheksiz minnetdar.

Filial Baspasóz xızmeti.