“Aral” sport klubı “Aral” sport klubı baslıǵı orınbasarı Bekmuratov Manas Telefon: (+99897) 787-55-52 E-mail: bekmuratovmanas571@gmail.com

Ózbekstan mámleketlik dene tárbiyası hám sport universiteti Nókis filialı “Aral” sport klubı 2019-jılda shólkemlestirilgen.

Sport klubı “Mámleketlik emes kommerciyalıq emes shólkemler haqqında”gı Ózbekstan Respublikası Nızamınıń 9-statyasına tiykar yuridikalıq shaxs retinde shólkemlestirildi.

Sport klubtıń maqseti hám tiykarǵı wazıypaları:

Sport klubtıń maqseti mámleketlik bilimlendiriw mákemeleriniń oqıwshıları, studentleri, pedagog hám basqa xızmetkerleri arasında dene tárbiyası hám sporttı keń úgit-násiyatlaw, olardıń úzliksiz túrde dene tárbiyası menen shuǵıllanıwları ushın shárt-shárayatlar jaratıw, oqıwshılar hám studentlerdiń bilim alıwdan tısqarı sport tálimi sistemasın jáne de jetilistiriw arqalı qábiletli jaslardı saralap alıwdan ibarat.

Sport klubtıń wazıypaları tómendegilerden ibarat:

• oqıwshılar hám studentler arasında salamat turmıs tárizin qáliplestiriw hám dene tárbiyası hám sporttı keń úgit-násiyatlaw, olardıń úzliksiz túrde dene tárbiyası menen shuǵıllanıwları ushın shárt-shárayatlar jaratıw;
• oqıwshılar hám studentler arasında sport túrleri boyınsha komandalar  shólkemlestiriw, olar arasında túrli sport jarısları hám ǵalabalıq dene tárbiyası ilajların, atap aytqanda “mektep ligasi”, “studentler ligasi” jarısların shólkemlestiriw arqalı qabiletli jas sportshılardı anıqlaw ;
• joqarı bilimlendiriw mákemelerinde – qabiletli jaslardı saralap alıw (seleksiya) hám sport túrleri boyınsha milliy saylandı komandalardı hám respublika joqarı sport sheberligi mekteplerinde sport rezervlerin qáliplestiriw, sonıń menen birge sport jarıslarında qatnasıw ushın sport túrleri boyınsha háptesine keminde 6 saattan sport dógerekleri shınıǵıwların shólkemlestiriw;
• dene tárbiyası hám sport processine shınıǵıwlar ótkeriw ushın maman trenerler hám qánigelerdi shqırıw, sonıń menen birge, aldıńǵı tájiriybelerdi engiziw.

Sport klubtıń huqıq hám minnetlemeleri:

 Sport klubı tómendegi huqıqlarǵa iye:

• óz aǵzaları hám qatnasıwshılardıń huqıqları hám nızamlı máplerin ańlatıw hám qorǵaw ;
• sport klubı dúzilgen aymaqta dene tárbiyası hám sport máselelerine tiyisli baslamalar menen shıǵıw, mámleket hákimiyatı hám basqarıwı shólkemlerine usınıslar kirgiziw;
• mámleket hákimiyatı hám basqarıwı shólkemleriniń qararların islep shıǵıwda nızam hújjetlerinde názerde tutılǵan tártipte qatnasıw ;
• óz iskerligi tuwrısında informaciya tarqatıw ;
• óz  mákeme Qaǵıydalarında belgilengen maqsetleri shenberinde isbilermenlik iskerligi menen shuǵıllanıw ;
• óz iskerligine tiyisli máseleler boyınsha jıynalıslar ótkeriw;
• belgilengen tártipte pullıq salamatlandırıw xızmetlerin kórsetiw.

Sport klubı nızam hújjetlerinde názerde tutılǵan basqa huqıqlarǵa da ıye bolıwı  múmkin.

 Sport klubı tómendegilerge májbúr:

• nızam hújjetleri hám shólkemlestiriw hújjetlerine ámel etiw;
• óz buyım-múlki hám pul qarjlarınan paydalanıw, sonday-aq, finanslıq támiynlew dárekleri tuwrısındaǵı informaciya menen klub aǵzalarınıń tanısıwı erkinligin támiyinlew;
• dizimnen ótkeriwshi organ menen ilajlar ótkeriwdi kelisip alıw jáne onıń wákiline ótkerilip atırǵan ilajlarǵa erkin kirisiw imkaniyatın beriw;
• sport klubı wákilleriniń shet mámleketlerge sport klubınıń iskerligi menen baylanıslı saparları uyımlastırıwı haqqında dizimnen ótkeriwshi organdı waqıtında xabardar qılıw.

 Sport klubına nızam hújjetlerine muwapıq basqa minnetlemeler de júkleniwi múmkin.