Xalıqaralıq Kurash Associaciyasınıń 1998-jıl 6-sentyabr kúni bolıp ótken shólkem Kongresinde kurash qaǵıydaları tastıyıqlanǵan edi. Usı tiykarda Ózbekstan Respublikası Prezidentiniń 2017-jıl 2-oktyabr kúngi “Kurash milliy sport túrin bunnan bılay da rawajlandırıw ilajları haqqında”ǵı qararına tiykarlanıp Xalıqaralıq Kurash associaciyası shólkemlestirilgen sáne – 6-sentyabr Ózbekstanda Kurash milliy sport túri kúni dep járiyalandı.

Sáne múnásibeti menen Nókiste Ózbekstan Respublikası ǵárezsizliginiń 32 jıllıǵına baǵıshlanıp kurash boyınsha erler hám hayal-qızlar arasında Respublikalıq turnir hám Qaraqalpaqstan Respublikası Prokurorı kuboginiń absolyut birinshiligi, sonday-aq “Kurash – biziń maqtanıshımız” súreni astında “Kurash party” shou-baǵdarlaması bolıp ótken edi.

Onda Ózbekstan mámleketlik dene tárbiyası hám sport universiteti Nókis filialı «Sport túrleri» fakulteti «Kurash» qánigeliginen qatnasqan studentler arasınan 63 kg salmaq kategoriyasında Asal Djalǵasbaeva hám 73 kg salmaq kategoriyasında Utkir Urazgalievler 1-orındı iyelep, shólkemlestiriwshiler tárepinen medal hám estelik sawǵaları menen sıylıqlandı.

Filial Baspasóz xızmeti.