Ózbekstan Respublikası Ministrler Kabinetiniń 2017-jıl 20-iyun kúnigi «Joqarı oqıw orınlarına oqıwǵa qabıl etiw, studentler oqıwın kóshiriw, qayta tiklew hám oqıwdan shetletiw tártibi haqqındaǵı nızamların tastıyıqlaw haqqında» ǵı 393-sanlı qararı qabıl etilgen edi.

 Qarar tiykarında tómendegi jaǵdaylarda studentler studentler qatarınan shıǵarılıwı múmkin;

– óz qálewi menen;

– oqıwın basqa oqıw ornına kóshiriw múnásibeti menen;

-oqıw tártibi hám oqıw ornınıń ishki tártip-qaǵıdaları hám ádep-ikramlıq qaǵıydaların buzǵanlıǵı ushın;

– bir semistr dawamında 74 saatdan artıq sebepsiz sabak qaldırsa;

– oqıw ushın belgilengen kontrakt tólemdi óz waqtında tólemegenligi ushın;

– Student sud tárepinen erkinen ayırılǵan jaǵdayda;

– sud qararı menen kiriw imtixanlarında belgilengen tártibin buzǵanlıǵı anıqlansa (bunday jaǵdaylarda studentler qatarınan shetletilgen studentler studentler qatarına qayta tiklenbeydi);

-qaytıs bolǵan jaǵdaylarda.

Filial Baspasóz xızmeti.