Ózbekstan Respublikası Prezidenti Shavkat Mirziyoev basshılıǵında 2023-jıl 11-aprel kúni «Jaslar siyasatı tarawındaǵı jumıslardıń nátiyjeliligin asırıw hám olar menen islesiw sistemasın jánede jetilistiriw is-ilajları boyınsha» video selektor jıynalısında berilgen tapsırmalardı orınlaw maqsetinde  Ózbekstan mámleketlik dene tárbiyası hám sport universiteti Nókis filialı direktorı, professor Bayrambay Erimbetovqa Ellikqala rayonında jasawshı jámi 22 waqtınsha jumıssız hám mayıplıǵı bolǵan jas biriktirilgen edi.

Búgin filial direktorı, professor Bayrambay Erimbetov úyme-úy júrip ózine biriktirilgen «Aqshakól», «Qavatqala», «Chopan», «Istiqlol» hám «Toshkent» mákan puqaralar jıyını aymaǵınada jasawshı sociallıq járdemge mútáj jaslardıń hal-jaǵdaylarınan xabar aldı.

Úyreniwler barısında filial direktorı jaslar hám olardıń ata-anaları menen sáwbetlesti olardı qıynap kiyatırǵan mashqalaları, sonday-aq, qızıǵıwshılıqları haqqında soradı. Soń olardıń qızıǵıwshılıqların esapqa alıp «Chopan» MPJ aymaǵında jasawshı Rano Azatova, Munira Baltabaeva, Oǵabek Gulibaev, «Toshkent» MPJ aymaǵında jasawshı Seytmurat Sarsenbaev, Ruslan Qadirov, «Istiqlol» MPJ aymaǵında jasawshı Zebiniso Hákimbaeva, «Qavatqala» MPJ aymaǵında jasawshı Babajan Ámetov, Sarvar Reymbaev, «Aqshakól» MPJ aymaǵında jasawshı Kamran Qurambaev, Rano Rajapbaevalarǵa zamanagóy kompyuterler sawǵa etti.

Filial Baspasóz xızmeti.