Ózbekstan Respublikası Ministrler Kabinetiniń 2023-jıl 4-avgust kúngi «Órtler profilaktikası nátiyjeliligin asırıw hám órt qáwipsizligi tarawında mámleket qadaǵalawın jetilistiriw is-ilajları haqqında» ǵı arnawlı qararı menen «Órtten abaylı bolıń!» ulıwma milliy kompaniyasın ámelge asırıw boyınsha is-ilajlar rejesi tastıyıqlanǵan edi.

 Usı reje tiykarında Ózbekstan mámleketlik dene tárbiyası hám sport universiteti Nókis filialı menen birgelikte Nókis qalalıq Ayrıqsha jaǵdaylar bólimi qánigeleri tárepinen filial studentleri qatnasında «Órt hám onıń kelip shıǵıw sebepleri» atamasında ushırasıw bolıp ótti.

 Ushırasıwdı filial direktorınıń jaslar máseleleri hám ruwxıy-aǵartıwshılıq isleri boyınsha birinshi orınbasarı R.Xaydarov kiris sóz benen ashtı hám basqarıp bardı.

 Onnan soń qalalıq Ayrıqsha jaǵdaylar bólimi baslıǵınıń orınbasarı, mayor Q.Ámetov sózge shıqtı. Ol óz sózinde gazden paydalanıw qaǵıydaları, iyis gazi ne ekenligi, onıń payda bolıw sebepleri, gaz plitaları hám jılıtıw úskenelerinen paydalanǵanda itibarlı bolıw kerek ekenligin ayrıqsha atap ótti. Sonıń menen birge órt óshiriw qurallarınan paydalanıw hám órtler menen baylanıslı ayrıqsha jaǵdaylar júz bergende waqıtlarda qalay háreketleniw kerekligi boyınsha ámeliy shınıǵıwlar ótkerdi.

 Filial Baspasóz xızmeti.