Ózbekstan mámleketlik dene tárbiyası hám sport universiteti Nókis filialında “Bes baslama olimpiadası” hám “Studentler ligası” jarıslarına start berildi.

Jarıstıń ashılıw máresiminde student-jaslar hám professor-oqıtıwshılar qatnastı. Onda filial direktorınıń Jaslar máseleleri hám ruwxıy-aǵartıwshılıq isleri boyınsha orınbasarı R.Xaydarov student-jaslar arasında milliy xalıq oyınları hám sport túrlerin ǵalabalastırıw, Bes áhmiyetli baslama joybarları, festivallar hám basqada ruwxıy-aǵartıwshılıq ilajları olardıń bos waqıtların mazmunlı ótkeriwde áhmiyeti úlken ekenligine ayrıqsha toqtap ótti.

Búgin “Bes baslama olimpiadası” hám “Studentler ligası” sheńberinde filialdıń “Sport túrleri” fakulteti studentleri sporttıń stol tennisi hám shaxmat túri boyınsha óz-ara kúsh hám shaqqanlıqların sınawdan ótkermekte.

Esletpe: Jarıslar usı jıldıń 20-sentyabr kúnine shekem dawam etedi.

Filial Baspasóz xızmeti.