Ózbekstan mámleketlik dene tárbiyası hám sport universiteti Nókis filialı studentlerine Nókis jaslar texnoparki ishki imkaniyatların keńnen tanıstırıw, startap hám innovaciyalıq joybarlar tayarlaw usılların úyretiw, sonday-aq, student-jaslardıń biznes rejelerin qollap-quwatlaw hám olardı ámeliyatqa engiziw maqsetinde jaslar texnoparkiniń InnoX-biznes inkubator bólimi qánigeleri qatnasında filialdıń Ziyrek studentlerdiń ilimiy-izertlew iskerligin shólkemlestiriw bólimi hám  studentler qatnasında ushırasıw bolıp ótti.

Ilajdı filialdıń Bilimlendiriw sapasın qadaǵalaw bólimi baslıǵı Medetbay Ramazanov kiris sóz benen ashtı hám basqarıp bardı.

Onnan soń qánigeler jaslar texnoparkiniń iskerligi, ishki imkaniyatları, ol jerdegi jaslarǵa jaratılǵan múmkinshilikler, respublikalıq hám xalıqaralıq grantlardı tayarlaw, qatnasıw, Innovaciyalıq rawajlanıw agentligi tárepinen jariyalanǵan tańlawlardıń nızamları hám búgingi kúnge shekem grant jeńip alģan jaslar haqqında tolıq maǵlıwmat berip ótti.

Ushırasıw barısında studentler ózlerin qızıqtırǵan sorawlarına taraw qánigelerinen juwaplar aldı.

Iroda Oralbaeva,
Filial “Isbilermenlik hám innovacion joybarlar koordinatorı”