Kekselerdiń halınan xabar alıw, baǵıwshısınan ayırılǵan, jalǵız baslı, ózgelerdiń járdemine mútáj nuraniylerge járdem beriw ázel-ázelden ata-babalarımızdıń qanına sińip ketken jaqsı páziyletlerden biri bolıp esaplanadı.

Bul baǵdarda Ózbekstan Respublikası Prezidentiniń 2022-jıl 15-mart kúni «Nuranıylardı hár tárepleme qollap-quwatlaw, olardıń turmıs dárejesin arttırıwǵa baylanıslı qosımsha ilajlar haqqında»ǵı qararıda qabıl etilgen edi.

Usı qarar tiykarında Ózbekstan mámleketlik dene tárbiyası hám sport universiteti Nókis filialında bilim alıp atırǵan bir topar kewilli student-jaslar tyutorlar, psixologlar menen birgelikte «Turan» mákan puqaralar jıyını aymaǵında jasawshı mayıplıǵı bar, baǵıwshısınan ayırılǵan, jalǵız baslı Zulqumar Redjapovanıń turaq jayınıń dógereklerin tazalap, úy aldı qıytaq jerlerin awdarıw jumıslarına járdem berdi.

Kórsetilgen járdemnen kewli tolǵan aymaq turǵını, psixolog, tyutor hám student-jaslarǵa óziniń aq-pátiyasın berdi.

Filial Baspasóz xızmeti.