Aldın xabar bergenimizdey, Dagestan Respublikası Kaspiysk qalasında boks boyınsha M.Umaxanov esteligine arnalıp bolıp ótken XXII dástúriy turnirine Ózbekstan saylandı komandası quramında filialımız «Sport túrleri» fakulteti «Boks» qánigeliginiń 3-kurs studenti Madiyar Daniyarovta qatnasıp qaytqan edi.

Bul turnirde Ózbekstan saylandı komandası múnásip qatnasıp, 1 altın, 5 gúmis hám 5 bronza menen jámi 11 medaldı qolǵa kirgizgen edi. Onda filialımız studenti Madiyar Daniyarov 60 kg salmaq kategoriyasında barlıq qarsılasların jeńip shıǵıp saylandı komanda aǵzaları qatarında 1 altın medaldı medallar qatarına qosıp qoyıwǵa eristi.

Búgin Ózbekstan mámleketlik dene tárbiyası hám sport universiteti Nókis filialı direktorı, professor B.Erimbetov Dagestan Respublikası Kaspiysk qalasında boks boyınsha M.Umaxanov esteligine arnalıp bolıp ótken XXII dástúriy turnirde qatnasıp, altın medaldı qolǵa kirgizgen Madiyar Daniyarovtı qabılladı hám erisken tabısı menen qızǵın qutlıqladı.

Soń filial miynet jámááti aǵzaları tárepinen tayarlanǵan estelik sawǵaların tapsırdı.

Filial Baspasóz xızmeti.