Qaraqalpaqstan Respublikasında para jeńil atletika sport túrin bunnan bılıyda rawajlandırıw hám ǵalabalıǵına erisiw, sportshılardıń sheberligin jetilistiriw,  Respublika saylandı komandası quramın dúziw hám para jeńil atletika saylandı komandasın 2023-jılı oktyabr ayında Tashkent qalasında bolıp ótiwi rejelestirilip atırǵan Ózbekstan ashıq kubgine qatnasıw maqsetinde para jeńil atletika túri boyınsha Qaraqalpaqstan Respublikası kubogi ótkerilgen edi.

Onda Ózbekstan mámleketlik dene tárbiyası hám sport universiteti Nókis filialı «Jeńil atletika» qánigeliginiń 1-kurs studentleri qatnastı hám sıylı 1-orınlardı iyeledi;

Xojaniyaz Erniyazov – nayza atıw boyınsha F-46 tayıpada 1-orın, yadro atıw boyınsha F-46 tayıpada 1-orın,

Malika Esenalieva F-46 tayıpasında hayal-qızlar arasında nayza atıw boyınsha 1-orın, F-46 tayıpasında yadro atıw boyınsha 1-orın, F-46 tayıpasında 100 metrge juǵırıw boyınsha 1-orın,

Gúmisay Sultabaeva t-33 tayıpasında hayal-qızlar arasında yadro atıwdan 1-orın,

Nasiba Nurımbetova yadro atıw boyınsha F-40-41 tayıpasında 1-orın, disk atıw boyınsha F-40-41 tayıpasında 1-orınlardı jeńip alıwǵa miyasar boldı.

Jeńimpazlar Qaraqalpaqstan Respublikası Jaslar siyasatı hám sport ministrligi tárepinen tayarlanǵan diplom menen sıylıqlandı hám Ózbekstan ashıq kubgine qatnasıw ushın jollama aldı.

Sportshılardı jarısqa professor-oqıtıwshılardan Tolıbay Arzıbekov tayarladı.

Filial Baspasóz xızmeti.