Ózbekstan mámleketlik dene tárbiyası hám sport universiteti Nókis filialı direktorı, professor Bayrambay Erimbetov 6-sentyabr – «Xalıqaralıq Kurash kúni» múnásibeti menen «Sport túrleri» fakulteti «Kurash» qánigeliginiń studentlerine «Kurash milliy sport túrin xalıqaralıq arenaǵa alıp shıǵıw» atamasında lekciya ótti.

Onda filial direktorı, professor B.Erimbetov studentlerge kurash milliy sport túrin elimizde rawajlandırıw hám onı xalıqaralıq arenaǵa alıp shıǵıw baǵdarında islengen hám islenip atırǵan jumıslar haqqında aytıp ótti. Sonday-aq, bul sport túrin jaslar arasında keń en jaydırıw boyınsha túsindiriw jumısların alıp bardı.

Bunnan tısqarı filial studentlerin maqala, ilimiy maqala jazıp úyreniwge shaqırdı hám bul boyınsha maǵlıwmatlar berip ótti. Sonıń menen birge ilim menen shuǵıllanıwdı qálewshi studentlerge filialımızdıń professor-oqıtıwshıların ilimiy basshı etip olarǵa shákirt bolıp, keleshekte jaqsı kadrlar bolıp jetilisiwi kerekligin atap ótti.

Filial Baspasóz xızmeti.