Jas áwladlardıń jámiyet ushın kerekli insan bolıp qáliplesiwinde óziniń kóz nurı hám ómirin sarıplap, olarǵa bilim, tálim-tárbiya berip, milliy hám ulıwma insanıylıq qádiriyatlar ruwxında kámillikke jetelew jolında islep atırǵan miynetlerin qanshama qádirlesekte arzıydı.

«1-oktyabr – Muǵallimler hám ustazlar kúni» múnásibeti menen Ózbekstan mámleketlik dene tárbiyası hám sport universiteti Nókis filialı miynet jámááti aǵzalarıda bayramdı saltanatlı túrde belgiledi.

Saltanatlı kesheni filial direktorı, professor Bayrambay Erimbetov kiris sóz benen ashıp berdi hám filial jámáátini bayram menen qızǵın qutlıqladı.

Soń filialda ótkerilgen «Bes baslama olimpiadası» nda jeńimpaz bolǵan studentlerge diplom hám estelik sawǵaları tapsırıldı.

Bayram ilájında Belarus Respublikası Poless mámleketlik universiteti professor-oqıtıwshılarıda miyman boldı.

Mádeniy iláj qaraqalpaq estrada juldızları, respublikamızdaǵı joqarı oqıw orınları hám filial studentleri tárepinen tayarlanǵan koncert baǵdarlaması menen dawam etti.

Filial Baspasóz xızmeti.