Jaslar arasında huqıqbuzarlıq hám jınayatshılıqtıń aldın alıw, olardıń kitap oqıwǵa bolǵan qızıǵıwshılıǵın arttırıw, diniy ekstremizim hám terrorizimge qarsı immunitetti qáliplestiriw hám hár qıylı unamsız illetlerge qosılıp ketiwleriniń aldın alıw boyınsha úgit-násiyat jumısların kúsheytiw maqsetinde tiyisli taraw qánigeleriniń qatnasıwında Ózbekstan mámleketlik dene tárbiyası hám sport universiteti Nókis filialında professor-oqıtıwshılar hám student-jaslar menen ushırasıw bolıp ótti.

Ushırasıwdı filial direktorınıń Jaslar máseleleri hám ruwxıy-aǵartıwshılıq isleri boyınsha birinshi orınbasarı R.Xaydarov kiris sóz benen ashtı hám kelgen taraw qánigeleri menen tanıstırıp ótti.

Soń Din isleri boyınsha komitetiniń Qaraqalpaqstan Respublikalıq aymaqlıq basqarmasınan, qalalıq Shańaraq hám hayal-qızlar bóliminen, qalalıq “Nuranıy” qorınan, Respublikalıq Ruwxıylıq hám aǵartıwshılıq orayı Nókis qalalıq bóliminen hám «Muxammed Bakıy iyshan» jome meshitinen kelgen qánigeler huqıqbuzarlıq hám jınayatshılıqqa qarsı gúresiw arqalı jámiyetlik tártipti hám qáwipsizlikti saqlaw máseleleri, jaslar arasında hár túrli jaman illetlerge qarsı gúresiw, onıń aldın alıw, jaslardı sport penen shuǵıllanıwǵa tartıw kerekligin aytıp ótti.

Ushırasıw sońında student-jaslar ózlerin qızıqtırǵan sorawlarına taraw qánigelerinen juwaplar aldı.

Filial Baspasóz xızmeti.