Usı jıldıń 12-15-oktyabr kúnleri aralıǵında Tájikstan Respublikasınıń Xojend qalasında 18-20 jaslı palwanlar arasında belbewli gúres boyınsha 20 dan aslam mámleketten 500 den aslam sportshılar qatnasqan Jáhán chempionatında Ózbekstan mámleketlik dene tárbiyası hám sport universiteti Nókis filialı «Sport túrleri» fakulteti «Kurash» qánigeliginiń 2-kurs studenti Lázzat Tólepbergenova 76 kg salmaq kategoriyasında qatnasıp 3-orındı iyelep,  qola medalın qolǵa kirgizgen edi.

Búgin,  Lázzat Tólepbergenova Nókis temirjol vokzalında filial direktorı,  professor B.Erimbetov basshılıǵında,  filial professor-oqıtıwshılar,  sportshınıń ata-anası,  respublikamızdıń sport tarawı hám ǵalaba xabar quralları wákilleri qatnasıwında saltanatlı túrde kútip alındı.

Ilajda sózge shıqqanlar sportshını qolǵa kirgizgen tabısı menen qızǵın qutlıqlap aldaǵı jarıslarda tabıslar tiledi hám ózleriniń tayarlap kelgen sawǵaların tapsırdı.

Sportshını jarısqa trenerlerden Bókenbay Sadwaqasov tayarladı.

Filial Baspasóz xızmeti.