Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev, Ministrler Keńesi Baslıǵınıń orınbasarı B.Otemuratov, “Hududgaztaminot” akcionerlik jámiyetiniń Qaraqalpaqstan filialı direktorı X.Aymanov,  Nókis qalalıq Ayrıqsha jaǵdaylar bólim baslıǵı J.Djubanishov, sonday-aq,  Nókis qalasındaǵı barlıq joqarı oqıw orınlarınıń rektor hám direktorları, fakultet dekanları,  tyutorlar, MPJ baslıqları, taraw qánigeleri qatnasında Berdaq atındaǵı Qaraqalpaq mámleketlik universitetinde gúz-qıs máwsimine tayarlıq kóriw ilajlarına baǵıshlanǵan ushırasıw bolıp ótti.

Ilajda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev sózge shıǵıp,  júz beriwi múmkin bolǵan ayrıqsha jaǵdaylar.

Sonday-aq,  puqaralardıń iyis gazinen záhárleniw,  hawa-gaz aralaspasınıń jarılıwı hám órtler menen baylanıslı baxıtsız hádiyselerdiń aldın alıwǵa qaratılǵan jumıslardı jánede kúsheytiw. Kóp-qabatlı úylerde ijarada jasaytuǵın student-jaslardıń úyindegi morılardı tazalatıw,  jılıtıw úskenelerin texnika qáwipsizligine ámel etken halda paydalanıw kerekligin aytıp ótti.

Soń, sózge shıqqan taraw qánigeleri hawa rayınıń keskin dárejede suwıtıwı aldınan jılıtıw qazanları hám pech morıların tazalatıw yaki jıllılıq tarmaqlarında nasazlıqlardı saplastırıw boyınsha bársheni qıraǵılıqqa  shaqırdı.

Filial Baspasóz xızmeti.