Joqarı bilimlendiriw, ilim hám innovaciyalar ministrligi hám Jaslar siyasatı hám sport ministrligi tárepinen «Bes baslama olimpiadası» sheńberinde joqarı oqıw orınları studentleri arasında ǵalabalıq sport jarısların ótkeriw tártibi boyınsha qospa reje tastıyıqlanǵan edi.

 Usı tiykarda búgin 23-oktyabr kúni Respublika oyın túrleri hám jeńil atletika boyınsha qánigelestirilgen balalar hám jas óspirimler sport mektebinde «Bes baslama olimpiadası» sheńberinde joqarı oqıw orınları student-jasları er balalar hám qız balaları arasınan dúzilgen saylandı komandası aǵzaları óz-ara bellesti.

 Jarıs sońında Ozbekstan mamleketlik dene tarbiyası ham sport universiteti Nokis filialınıń er balalar hám qız balaları arasınan dúzilgen saylandı komandası aǵzaları barlıq qarsılaslarınan ústin kelip 1-orındı iyeledi hám 2-5-noyabr kúnleri Buxara wálayatında bolıp ótetuǵın basqıshına jollama aldı.

Filial Baspasóz xızmeti.