Ózbekstan Respublikası Prezidentiniń 2020-jıl 4-noyabr kúngi «Kurash milliy sport túrin rawajlandırıw hám onıń xalıqaralıq abroyın bunnan bılayda artırıw ilajları haqqında»ǵı qararın orınlaw, Kurash boyınsha Qaraqalpaqstan Respublikası saylandı komandası aǵzaların saylap alıw maqsetinde usı jıldıń 27-28-oktyabr kúnleri aralıǵında «Respublikalıq Kurash orayı» sport bazasında sporttıń kurash túri boyınsha eresekler hám hayal-qızlar arasında Qaraqalpaqstan Respublikası kubogi ushın barlıq qala hám rayonlardan sportshılar qatnasında jarıs bolıp ótti.

 Bolıp ótken jarısqa Ózbekstan mámleketlik dene tárbiyası hám sport universiteti Nókis filialı studentleride qatnastı.

 Jarıs sońında «Dzyu-do» qánigeliginiń studentleri 66 kg salmaq kategoriyasında Sangin Ataxanov, 73 kg salmaq kategoriyasında Utkir Urazgaliev, 100 kg salmaq kategoriyasında Maxmut Shamuratov, 52 kg salmaq kategoriyasında Umida Djumaniyazova hám usı qánigeliktiń 1-kurs studenti 90 kg salmaq kategoriyasında Asadbek Allabaevlar 1-orındı jeńip aldı hám Qaraqalpaqstan Respublikası Jaslar siyasatı hám sport ministrligi tárepinen Diplom, medal hám qımbat bahalı estelik sawǵaları menen sıylıqlandı.

Filial Baspasóz xızmeti.