Búgin Berdaq atındaǵı Qaraqalpaq mámleketlik universitetiniń «Mádeniyat sarayı»nda Bes baslama olimpiadasınıń Qaraqalpaqstan Respublikası jeńimpazların saltanatlı túrde sıylıqlaw máresimi bolıp ótti.

 Sıylıqlaw máresimin Respublikalıq Jaslar siyasatı hám sport ministri Adilbek Allanazarov kiris sóz benen ashtı hám sport túrleri boyınsha joqarı oqıw orınları studentleri arasında ótkerilgen Bes baslama olimpiadasınıń Qaraqalpaqstan Respublikalıq basqıshında birinshi orındı iyelegen sportshılardı qolǵa kirgizgen tabısları menen qızǵın qutlıqladı hám 2-5-noyabr kúnleri aralıǵında Buxara wálayatında bolıp ótetuǵın Respublikalıq basqıshında tabıslar tiledi.

 Soń jeńimpaz komanda aǵzalarına shólkemlestiriwshiler tárepinen tayarlanǵan Diplom hám estelik sawǵaların tapsırdı.

 Sıylıqlaw máresimi QMU studentleri tárepinen tayarlanǵan koncert baǵdarlaması menen dawam etti.

Filial Baspasóz xızmeti.