Jaslardıń bos waqıtların mazmunlı ótkeriw, olardıń ishinen ziyrek, bilimli, shaqqan hám qábiletli jaslardı anıqlaw maqsetinde Ózbekstan mámleketlik dene tárbiyası hám sport universiteti Nókis filialı studentleri arasında “Zakawat” intellekwal oyınınan «Direktor kubogi» turnirine start berildi.

 Turnirdiń birinshi basqıshına filial student-jasları arasınan on eki komanda qatnastı hám olar óz-ara bilimlerin sınaqtan ótkerdi.

 Maǵlıwmat ornında turnir 8 turdan ibarat bolıp, hár hápteniń piyshembi kúni filialdıń májilisler zalında ótkeriledi.

 Turnir juwmaǵında 1-orındı iyelegen komandanıń hár bir aǵzası bazalıq stipendiya muǵdarınıń eki esesi 1.034.000 sum, 2-orındı iyelegen komandanıń hár bir aǵzası bazalıq stipendiya muǵdarınıń bir yarım esesi 775.000 sum hám 3-orındı iyelegen komandanıń hár bir aǵzası bazalıq stipendiya muǵdarınıń bir esesi 517.000 sum muǵdarında sıylıqlanadı.

Bibimaryam Kaljanova

QMU jurnalistika kafedrası studenti.