Jaslar arasında salamat ortalıqtı qáliplestiriw, milletler aralıq tatıwlıqtı bekkemlew, ideologiyalıq qáwiplerdiń aldın alıw maqsetinde Ózbekstan Respublikası Din isleri boyınsha komiteti Qaraqalpaqstan Respublikası aymaqlıq basqarmasınan, Joqarı bilimlendiriw, ilim hám innovaciyalar ministrliginiń Qaraqalpaqstan Respublikası aymaqlıq basqarması qánigeleri tárepinen Ózbekstan mámleketlik dene tárbiyası hám sport universiteti Nókis filialı studentleri ushın «Jawızlıqqa qarsı bilimlendiriw» atamasında ushırasıw bolıp ótti.

Ilajda sózge shıqqan taraw qánigeleri jaslar arasında salamat ortalıqtı támiyinlew, milletler aralıq tatıwlıqtı bekemlew, olardı hár qıylı jat illetlerden qorǵaw, kiyiniw mádeniyatı hám oqıw ornınıń ishki tártibine ámel etiw kerekligi boyınsha túsinikler berdi.

 Qatnasıwshılarǵa “Sergek bolıń” hám Ózbekstan musılmanlar qazıyatlar qazısı, muftiy Nuritdin Xoliqnazarovtıń durıs kiyiniw hám jaman illetlerden saqlanıw boyınsha tayarlaǵan video roligi qoyıp berildi.

Bibimaryam QALJANOVA,

QMU jurnalistika kafedrası studenti.