Hár jılı 17-noyabr – Xalıqaralıq studentler kúni bayram sıpatında belgilenedi. Bul kún 1941-jılı Londonda fashizmge qarsı gúresip atırǵan studentlerdiń ushırasıwı waqtında engizilgen. Biraq, bul bayram bir neshe jıldan keyin, yaǵnıy, 1946-jıldan bayramlanıp baslanǵan. Bayram chexiyalıq patriot studentlerdiń esteligine baǵıshlanıp engizilgen.

1946-jıl 17-noyabr kúni Praga qalasında Xalıqaralıq studentler kongressinde tastıyıqlanǵan. Lekin onıń tariyxı ekinshi jer júzilik urısı waqtında Shexoslavakiyada baslanǵan baxıtsız hádiyse menen baylanıslı. 1939-jıl 28-oktyabr kúni fashistler tárepinen Shexoslovakiyanıń Praga qalasındaǵı studentler hám olardıń oqıtıwshıları Shexoslavakiya mámleketiniń tálim bayramın (1918-jıl 28- oktyabr) bayramlaw ushın kóteriliske shıǵadı. Basqınshılar kóterilisshilerdi tarqatıp jiberedi. Lekin, sol qozǵalańda medicina fakultetiniń studenti Yan Opletal atıp óltirilgen.

1939-yil 15-noyabr Yan Opletaldı jerlew máresimi narazılıq qozǵalańına aylanıp ketedi.

 Soń urıstıń aqırına shekem Shexiyadaǵı hámme joqarı oqıw orınları jabılǵan. Bul waqıyalarǵa tiykarlanıp Xalıqaralıq studentler kongressinde xalıqaralıq studentler kúnin ótkeriw belgilenedi. Házirgi kúnge kelip bul kúndi dúnya júziniń kóplegen mámleketleri bayram sıpatında bayramlaydı.

Filial Baspasóz xızmeti.